Міхаіл Райко

Усё пачалося ў 2009 годзе: я быў яшчэ студэнтам, купіў першую тату машынку і пачаў спрабаваць татуіраваць. А ўжо ў 2012-м уладкаваўся ў прафесійную студыю - тады і зразумеў, што гэта маё.

Далей - паездкі, канвенцыі, работа ў студыях па ўсёй Беларусі і за мяжой. Я спрабаваў розныя стылі, шукаў свой почырк, але апошнія 5 гадоў свядома абраў традыцыйную татуіроўку. Яна мне бліжэй за ўсё па духу: выразныя лініі, яркія колеры, сумленныя сюжэты.

Цяпер я дырэктар і вядучы майстар студыі татуіроўкі "Усход". Для мяне важна не проста рабіць тату, а ствараць працу, якая будзе цешыць Вас гадамі.

У вольны час гуляю ў кампутарныя гульні, займаюся спортам, хаджу ў паходы, вандрую і праводжу час са сваімі сабакамі.